Европанинг Украинага ҳарбий-техникавий ёрдами давом этади
Украина президенти Владимир Зеленскийнинг Францияда ташрифи муваффақият билан якунланди. Зеленский бир қатор француз мулозимлари, шунингдек, президент Эммануэл Макрон билан учрашиб, Россиянинг Украинага агрессиясини тўхтатиш йўлидаги ҳамкорлик масалаларини муҳокама қилган.
Таъкидлаш жоиз, бу Украина раҳбарининг Россия бостириб кирганидан бери Парижга биринчи ташрифи ҳисобланади. Зеленский Францияга катта умидлар билан борганди. Украина президентининг ташрифдан кўзлаган деярли барча мақсадлари амалга ошган.
Жумладан, Макрон юзлаб украин қирувчи учувчилари ва ҳарбийларини Франция ҳудудида ўқитиш ва шуғуллантиришга ваъда берган.
Шунингдек, Франция Киевга ўнлаб зирҳли ҳарбий техникалар, жумладан, зирҳли разведка машиналари, енгил танкларни беришга рози бўлган. Қолаверса, Париж Рим билан биргаликда узоқ радиусли таъсирга эга ҳаво ҳужумига қарши тизимларни етказиб беради. SAMP-T деб аталувчи бу қурилмалар Украина осмонини Россиянинг ракета ҳужумларидан муваффақиятли ҳимоя қилиши билан бирга, Украинага бомба ташлаш учун ҳавога кўтарилган рус қирувчи самолётларини Россия ҳудудида ҳам уриб тушириш имкониятини яратиши мумкин.
Парижнинг бу ёрдамини айни вазиятдаги ўта сахийлик, дея баҳолаш мумкин. Чунки Франция ҳукумати ҳозир пенсия ислоҳотларидан норозилик намойишлари ва инфляциянинг кучайиши каби муаммоларга бор диққатини қаратган.
Шу ўринда қўшимча қилиш керакки, Зеленскийнинг иккита катта орзуси ҳозирча тўла амалга ошмай келмоқда.
Шунингдек, Франция Украина АЭСлари узлуксиз, хавфсиз ва ишончли ишлаши учун ёрдам беришда давом этади. Франция ва Украина МАГАТЭ билан Жанубий Украина АЭСнинг авариявий электрогенераторлари учун эҳтиёт қисмларини етказиб бериш борасида келишув имзолагани ҳам бунинг исботидир.
Биринчиси - 300 километр ва ундан узоққа учувчи ракеталарни олиш бўлса, иккинчиси - Украинанинг қудратли ҳарбий самолётлар флотилиясини шакллантиришдир. Айрим Европа давлатлари бу истакларни у ёки бу даражада қондиришга тайёр.
Масалан, ўтган ойда Польша ҳукумати совет техникаларидан бўлмиш МиГ-29 қирувчи самолетларини Киевга етказиб бериш борасида Германиядан рухсат олди.
Гап шундаки, немис ҳукумати собиқ ГДР қуроллар арсеналидаги совет самолётларини Варшавага тақдим этган. ГФР Мудофаа вазири Борис Писториус бу самолётларни Киевга бериш қарорни олқишлаган. “Бу қадам Германияга суяниш мумкинлигини исботлайди”, деган вазир.
Польша президенти Анжей Дуда ҳам Украинага 14 та МиГ-29 самолетлари берилишини тасдиқлади.
ГФР берган МиГ-29 самолетларининг қолганлари эса модернизалаштирилиб, НАТО стандартларига мослаштирилган. Улар Польшанинг ўзида қолади, деган президент.
Польшанинг ортидан Лондон ҳам Украинага 100 километрдан 300 километргача уча оладиган ракеталарни етказиб беришни режалаштирмоқда. Улар параметрлари бўйича АҚШнинг ATACMS ракеталарига ўхшайди.
Бироқ Украинага ҳарбий ёрдам берувчи донорлардан бири бўлмиш АҚШнинг Украинага ATACMS ракеталари бериш истаги йўқ.
Чунки Вашингтон бу талаблар қондирилса, Украина Россиянинг ички ҳудудларига ҳам ракета зарбалари бериши ҳамда бомбалаши натижасида қўрқиб кетган Путиннинг “алам устига” кескин ҳаракатлар қилишидан хавотир олади. Ракеталарнинг эса фақат 70 километргача уча оладиган турлари етказиб берилмоқда. Гарчи Байден Зеленскийдан узоққа уча оладиган ракеталар етказиб берилган тақдирда Россия ички ҳудудларига зарба бермаслик ваъдасини олган бўлсада, АҚШ маъмурияти ҳозирча бу борада қатъий қарорга кела олмаяпти. Лекин Вашингтон Украина Қуролли Кучларининг Қримни қайтариб олиш учун бу ярим оролдаги рус ҳарбий кучларига зарба беришини мақбул деб ҳисоблайди. Чунки барча ақли расо дунё ҳамжамияти каби АҚШ ҳам Қримни Украинанинг ички ҳудуди деб ҳисоблайди.
