Республика бўйича жами референдум участкалар сони 10 758 тани ташкил этади — Марказий сайлов комиссияси
Референдум куни овоз бериш жараёнини реал вақт режимида видеотрансляция қилинади.
Сайловчилар ягона электрон рўйхатига 19 млн 722 минг 809 нафар овоз берувчи фуқаролар киритилган бўлиб, шундан 46 фоизи эркаклар, 54 фоизини аёллар ташкил қилади. 7 147 060 нафар (36,2 фоизи) 30 ёшгача бўлган ёшлардан иборат бўлса, 307 895 нафар овоз берувчи хорижий давлатларда тузилган 55 та референдум ўтказувчи участкаларидаги овоз берувчилар рўйхатига киритилган.
Референдум куни овоз бериш жараёнини реал вақт режимида (онлайн) видеотрансляция қилиш мақсадида республиканинг 208 та туман ва шаҳарлари ҳудудида жойлашган 2 тагача референдум участкаларида 2 тадан видеокамера ўрнатилади.
