ФВВ муҳим огоҳлантириш билан чиқди
Ўзбекистонда 21 ва 23 март кунлари ер силкиниши кузатилди. Афғонистон ва Тожикистонда кузатилган зилзила кучи Ўзбекистон ҳудудларида ҳам сезилди.
Бу эса аҳоли орасида муҳокамаларга сабаб бўлмоқда. ФВВ эса аҳолини муҳим огоҳлантириш билан мурожааат қилди.
"Ҳурматли юртдошлар, шу кунларда ижтимоий тармоқларда яқин кунларда зилзила содир бўлиши мумкинлиги ҳақида сохта хабарлар тарқалмоқда. Шу муносабат билан Сизларни бундай ёлғон хабарларга ишонмасликка чақирамиз. Яна бир бор таъкидлаймизки, бугунги кунда дунёнинг ҳеч бир давлатида зилзила содир бўладиган сана ва ҳатто тахминий вақтни башорат қила оладиган технологиялар мавжуд эмас. Ўзбекистон сейсмик фаол зонада жойлашгани сабабли баъзида ер силкинишлари содир бўлади. Ҳар доим шундай бўлган", - дейилади хабарда.
