АҚШда террор қилган ўзбек умрбод қамалди

Нью-Йорк шаҳрида теракт уюштирган ўзбек Сайфулло Сойипов шартли равишда озод этиш ҳуқуқисиз умрбод қамоқ жазосига ҳукм қилинди. У 2017 йилда юк машинасида 8 кишини босиб кетган ва ўнлаб одамларни жиддий жароҳатлаганди.

У 2017 йил 31 октябр куни 8 кишини юк машинасида босиб кетиб, теракт содир этганди. Унга ўлим жазоси беришмоқчи эди, Соиповнинг отасини АҚШга суд залига кўрсатма беришга чақиришгач, ота боласи омон қолишини сўраган. Унинг бу илтимоси президент Байден ўлим жазосига қарши чиққан даврга тўғри келди.

Сойипов ИШИД номидан ҳаракатланганини тан олган ва ўзини ушбу гуруҳ «аскари» деб атаган. У 2021 йил январ ойида бир неча қотиллик ва терроризмда айбланиб, суд қилинган. Прокуратура унга ўлим жазоси сўраган.

Сайфулло Сойипов умрининг қолган қисмини Колорадо штатидаги максимал даражада қатъий режимдаги ADX Florence федерал қамоқхонасида ўтказади.