28 февраль, 2023

Наманганда 25 болани олиб кетаётган “Дамас” ҳайдовчиси аниқланди

Наманган туманида ЙПХ ходими томонидан "Damas" русумли автомобиль тўхтатилиб текширилганда, транспорт воситасида жами 25 нафар болалар олиб кетилаётганлиги аниқланди. Маълум қилинишича, 12 ёшга тўлмаган болаларни ушлаб турувчи махсус қурилма ўрнатилмаган транспорт воситасининг олд ўриндиғида ташиш тақиқланади. Шунингдек, ташилаётган йўловчилар сони транспорт воситасининг техник тавсифномасида кўзда тутилган миқдордан ортиқ бўлмаслиги керак. Мазкур ҳолатда ҳайдовчиларнинг одам ташиш қоидаларини бузиши — базавий ҳисоблаш миқдорининг иккидан бир қисми миқдорида жарима солишга сабаб бўлади.