27 февраль, 2023

Муборак бир қатор мансабдор шахсларга жиноят иши қўзғатилди

Қашқадарё вилояти Муборак тумани ўрмон хўжалиги моддий жавобгар шахслари томонидан ўзига ишониб топширилган мол-мулкларни ўзлаштириш ва растрата қилиш йўли билан талон-торож қилингани аниқланди. Бу ҳақда вилоят прокуратураси матбуот хизмати хабар берди. Айни пайтда мазкур ҳолат юзасидан Муборак тумани прокуратураси томонидан Жиноят кодексининг 167-моддаси билан жиноят иши қўзғатилди. Дастлабки тергов ҳаракатлари олиб борилмоқда. «Тергов якуни бўйича ахборот берилади. Терговнинг бориши вилоят прокуратураси томонидан алоҳида назоратга олинган", - дейилади хабарда.