27 февраль, 2023

Жиззахдаги мактабда ота қизининг 3 нафар синфдошини калтаклади

Тармоқларда Жиззах шаҳридаги 11-мактабда ота қизининг 3 нафар синфдошини аёвсиз дўппослагани акс этган видео юзасидан вилоят Ички ишлар бошқармаси муносабат билдирди. Маълум қилинишича, ушбу ҳолат 11-сонли ўрта умумтаълим мактабида рўй берган ва жабрланган ўқувчининг онаси ҳолат юзасидан ички ишлар органларига мурожаат қилган. Шу асосида ўтказилган суд-тиббий экспертизаси ўқувчига соғлигининг бузилишига олиб келган тан жароҳати етказилганлигини тасдиқлаган. Мазкур ҳолат юзасидан фуқаро Б.М га нисбатан Жиноят кодексининг 109- моддаси 2-қисми билан жиноят иши қўзғатилган бўлиб, тергов ҳаракатлари олиб борилмоқда.