24 февраль, 2023

Самарқандда кучли таъсир қилувчи дори воситалари сотаётган дорихона аниқланди

Самарқандда кучли таъсир қилувчи «Регапен» психотроп моддаларини сотаётган дорихона раҳбари аниқланди. Бу ҳақда вилоят Ички ишлар бошкармаси хабар берди. Маълум бўлишича, 2023 йил 11 февраль куни вилоят ИИБ томонидан ўтказилган тезкор тадбирда Самарқанд шаҳридаги дорихоналардан бирида 37 ёшли сотувчи 100 доллар эвазига 30 дона кучли таъсир қилувчи "Регапен" сотаётган вақтида ушланди. Текширувлар натижасида дорихонадан жами 165 дона "Регапен" психотроп моддаларини расмийлаштирган ва дорихона сотувчисига нисбатан жиноий иш қўзғатилган. Ҳозирда ушбу ҳолат юзасидан тергов ҳаракатлари бошланди.