21 февраль, 2023

Пойтахт прокурори 30 нафар ёшнинг муаммосини шахсан назоратга олди

Тошкент шаҳри Олмазор туманида уюшмаган 25 нафар ёшларга ишга жойлаштириш бўйича йўлланмалар, 20 нафарига касбга йўналтириш бўйича, 20 нафарига IT соҳасида бепул ўқиш учун сертификатлар берилди, яна 10 нафар ёшларга китоблар жамланмаси совға қилинди. Олмазор туман прокуратураси билан ҳамкорликда “Inno texnopark” марказида шаҳар прокурори Эркин Йўлдошевнинг ёшлар билан бўлган учрашувда, шунингдек, 30 нафар ёшларнинг муаммолари ёзма равишда қабул қилинди. Ушбу муаммоларни қисқа муддатда ва ижобий ҳал этиш бўйича “Йўл харитаси” тузилиб, ҳар бир мурожаат бўйича алоҳида масъуллар белгиланиб, ижроси шахсан шаҳар прокурори Эркин Йўлдошев томонидан назоратга олинди.

Шунингдек, учрашувда прокуратура томонидан бўш иш ўринлари бўйича ташкил этилган “Меҳнат ярмаркаси”да пойтахтдаги 63 та корхона ва ташкилотлар ўзларидаги мавжуд бўлган 3000 та бўш иш ўринлари билан қатнашди.

Эслатиб ўтамиз: шаҳар прокурори томонидан тасдиқланган режага мувофиқ, 15.02.2023 йилдан 02.03.2023 йилга қадар пойтахтнинг барча туманларида ёшлар билан учрашуви ўтказилиши белгиланган.