17 февраль, 2023

Тошкентнинг уч ҳокимига ҳайфсан берилди

Тошкент шаҳри ҳокими вазифасини бажарувчи Бахтиёр Раҳмонов 16 февраль куни учта туман ҳокимига ҳайфсан интизомий жазосини қўллашга оид фармойишни имзолади. Унга кўра, Мирзо Улуғбек тумани ҳокими Иргашев Шавкатбек Турдиевич, Учтепа тумани ҳокими Абдуллаев Фарход Равшанович ва Юнусобод тумани ҳокими Абдувалиев Бохадир Абдулхаевичлар ҳайфсан олган. Ҳокимлар қишга тайёргарлик ва уни беталафот ўтказиш бўйича зарур чора-тадбирларни кўрмагани, маҳаллаларга чиқиб, аҳоли билан мулоқотлар ва тушунтириш ишларини ҳам олиб бормагани учун жазоланган.