17 февраль, 2023

Ўзбекистон маълумотлар очиқлиги халқаро рейтингида 5 поғонага юқорилади

Open Data Watch ташкилотининг очиқ маълумотлар жаҳон рейтингида (Open Data Inventory) 192 давлат орасида Ўзбекистон 66 балл билан дунёда 40-ўринни эгаллади. 2020 йилда эса 187 давлат орасида 63 балл билан 45-ўринни банд этганди. Open Data Inventory (ODIN) рейтингида мамлакатнинг статистик таклифларининг тўлиқлиги ва улардаги маълумотларнинг халқаро очиқлик стандартларига қанчалик мос келиши баҳоланади. 2020 йилдан 2022 йилга қадар Ўзбекистоннинг умумий балли маълумотлар кўлами бўйича 52 дан 56 баллга, маълумотлар очиқлиги бўйича эса 72 дан 74 га ошган. 2022 йилги рейтинг якунлари бўйича Сингапур биринчи, Дания иккинчи ва Финляндия учинчи ўриндан жой олган.