16 февраль, 2023

Тошкентда 5 та автомобиль иштирокида ЙТҲ содир бўлди

Тошкент шаҳар Олмазор туманидаги Талабалар кўчасида 16 февраль куни бешта автомобиль иштирокида ЙТҲ содир бўлди. Бу ҳақда пойтахт шаҳар ИИББ Йўл ҳаракати хавсизлиги бошқармаси хабар берди. Маълум қилинишича, 16 февраль куни соат 13:30 ларда 1999 йилда туғилган А.А. бошқарувидаги Spark, 1955 йилда туғилган Р.Ж. бошқарувидаги Lacetti, 1992 йилда туғилган А.З. бошқарувидаги Damas, 1997 йилда туғилган И.Ж. бошқарувидаги Lacetti ҳамда 1955 йилда туғилган А.Р. бошқарувидаги Cobalt автомашиналари иштирокида йўл транспорт ҳодисаси содир бўлган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.