16 февраль, 2023

Афғонистонда буюк шоиримиз Алишер Навоий ёдгорликларига зарар етказилганлигига ойдинлик киритилди

Ўзбекистон Ташқи ишлар вазирлиги матбуот котиби Аҳрор Бурхонов Афғонистонда машҳур ўзбек шоири Алишер Навоий ёдгорлиги бузиб ташлангани ҳақида тарқалган хабарларга муносабат билдирди. “Афғонистонда буюк шоиримиз Алишер Навоий ёдгорликларига зарар етказилгани ҳақидаги хабарларни қайғу билан қабул қилдик. Ушбу масала юзасидан дипломатларимиз Афғонистон вакиллари билан боғланди. Уларнинг таъкидлашича, ушбу вандализм ҳолати қардош Ўзбекистон билан кўп асрлик дўстона муносабатларни мустаҳкамлаш тарафдори бўлган муваққат ҳукумат расмий сиёсатини акс эттирмайди, номаълум шахсларнинг ўзбошимчалик ва ўйламасдан қилган ҳаракати натижаси бўлиб, умумий тарихий ва маданий меросимизга зарар етказади. Афғонистон вакиллари ёдгорликларни тиклаш ва умумий меросимизга ҳурмат билан муносабатда бўлиш чораларини кўришини маълум қилдилар”, деб ёзган Бурхонов.