15 февраль, 2023

Хазорасп ва Янгибозор туманларига янги ҳокимлар тайинланди

Хоразм вилоятининг икки туманида янги тайинловлар амалга оширилди. Бу ҳақда вилоят ҳокимлиги матбуот хизмати хабар берди. Абдиримов Зафар Атаназарович Хазорасп тумани ҳокими этиб тайинланди. З.Абдиримов тайинловга қадар Ўзбекистон Республикаси Олий Мажлиси Қонунчилик палатаси депутати вазифасида фаолият юритган. Жуманиёзов Руслан Рустамович Янгибозор туман хокими этиб тайинланди. Р. Жуманиёзов тайинловга қадар Урганч тумани прокурори лавозимида фаолият юритган. Маълумот учун, амалдаги ҳоким Ўктамбой Қурбанов саломатлиги туфайли ўз хоҳишига кўра лавозимидан озод этилди.