15 февраль, 2023

Қатор миллий федерациялар Тошкентдаги бокс чемпионатини бойкот қилмоқда

АҚШ, Ирландия, Чехия ва Буюк Британия бокс федерациялари 2023 йил март ойида Деҳлида ўтказиладиган аёллар ўртасидаги ва май ойида Тошкентда ўтказиладиган эркаклар ўртасидаги жаҳон чемпионатини бойкот қилди. Ушбу давлатлар боксчилари чемпионатда иштирок этмайди. Канада ҳам шундай қарорга яқин. Бунга россиялик ва беларуслик боксчиларнинг ўз байроғи остида қатнашишига рухсат берилиши сабаб бўлган. Шунингдек, USA Boxing баёнотида IBA молиявий бошқаруви шаффоф эмаслиги ва санкциялар остидаги компанияларга қарамлиги ҳам бойкотнинг сабабларидан бири сифатида келтирилган. Маълумот учун, эркаклар ва аёллар чемпионатлари Халқаро бокс ассоциацияси (IBA) томонидан ташкиллаштирилади, унинг президенти россиялик Умар Кремлевдир. Россиянинг Газпром энергетика компанияси эса IBAнинг энг йирик ҳомийси ҳисобланади.