15 февраль, 2023

Ислом тараққиёти банки Роғун ГЭСни молиялаштиради

Тожикистон президенти Имомали Раҳмон ва Ислом тараққиёт банки гуруҳи вице-президенти Мансур Мухтор ўртасидаги учрашувда Роғун ГEС лойиҳасини молиялаштириш бўйича келишувга эришилди. Бу ҳақда Тожикистон Иқтисодий ривожланиш ва савдо вазири Завки Завқизода маълум қилди. Маълум қилинишича, Мансур Мухторнинг республикага амалий ташрифи доирасида бўлиб ўтган учрашувда томонлар Тожикистонга 250 миллион доллар ажратишга келишиб олдилар, шундан 150 миллион доллари қурилиш ишларига сарфланиши режалаштирилган. Агентлик маълумотларига кўра, ҳозирда Роғун ГEСи лойиҳасини тўлиқ амалга ошириш учун камида 5 миллиард доллар керак бўлади. Декабрь ойи охирида мамлакат президенти парламентга йўллаган Мурожаатномасида 2022 йилда Роғун ГEСи қурилишига 3,2 миллиард сомоний (315 миллион долларга яқин) маблағ ажратилганини таъкидлаган эди. Ўтган йилги маблағни ҳисобга олсак, 2008 йилдан бери Роғун ГEСи қурилишини якунлаш учун 40 миллиард сомонийдан ортиқ маблағ сарфланган.