10 февраль, 2023

Туркиядаги зилзила қурбонлари сони 18 мингдан ортди

Туркия жануби-шарқидаги зилзила қурбонлари сони 18 342 кишига етди. Бу ҳақда Туркия вице-президенти Фуат Октай маълум қилди. “Қурбонлар 18 342 киши. 74 242 нафар фуқароларимиз тан жароҳати олди. Қарийб 75,8 минг киши ҳалокат жойидан эвакуация қилинган”, - дейди у. Шунингдек, унинг айтишича, Адана, Диярбакир, Усмония вилоятларида қидирув-қутқарув ишлари якунланиб бормоқда. Ҳозирда зилзила оқибатларида қидирув ишларига 120 мингдан ортиқ инсон жалб қилингани маълум бўлди.