10 февраль, 2023

Туркияда 90 соат вайроналар остида қолган 10 кунлик чақалоқ қутқарилди

Туркияда 10 кунлик чақалоқ ва унинг онаси вайроналар остидан олиб чиқилди. Бу ҳақда “Haberturk” хабар берди. Маълум қилишинича, зилзилалардан энг кўп жабр кўрган Ҳатай вилоятида Яғиз Улаш исмли 10 кунлик чақалоқ ва унинг онаси қутқариб олинган. Улар вайроналар остида 90 соатдан ортиқ вақт қолиб кетган. Эслатиб ўтамиз, 6 февраль куни Туркиянинг жануби-шарқида 7,8 балл ва – 7,6 балл магнитудаси етти баллдан ортиқ бўлган иккита зилзила содир бўлди. Туркиядаги зилзила оқибатларини бартараф этишда 11 давлатдан келган, жумладан, Ўзбекистондан келган қутқарувчилар иштирок этмоқда.