10 февраль, 2023

Қирғизистонда 4,5 магнитудали зилзила қайд этилди

Қирғизистон ҳудудида 4,5 магнитудали зилзила қайд этилди. Бу ҳақда Қозоғистон сейсмологлари хабар берди. Маълум қилинишича, ер силкинишлари жума куни Олмаота вақти билан соат 11:24 да қайд этилган. Эслатиб ўтамиз, 6 февраль куни эрталаб Туркиянинг мамлакат жануби-шарқидаги Қаҳрамонмараш вилоятида 7,7 ва 7,6 магнитудали иккита кучли зилзила содир бўлган эди. Мамлакатда етти кунлик миллий мотам эълон қилинди, жабрланган ўнта вилоятда фавқулодда ҳолат эълон қилинди. Сўнгги маълумотларга кўра, Туркиядаги зилзила қурбонлари сони 18 мингдан ошди.