10 февраль, 2023

Давлат томонидан сув, электр энергияси, йўл ва мактаб каби йўналишлардаги лойиҳаларга маблағ ажратилади

2023 йилда аҳоли томонидан таклиф берилган сув, электр энергияси, йўл, мактаб каби йўналишлар бўйича лойиҳалар учун қарийб 3 баробар кўп, яъни 8 триллион сўм йўналтирилади. Бу ҳақда 2023 йилги давлат дастури лойиҳасида белгиланган. Шунингдек, “Очиқ бюджет” ахборот портали орқали 2023 йилда йўналтирилиши назарда тутилган маблағлар доирасида Ташаббусли бюджет, Менинг йўлим ҳамда Обод қишлоқ ва Обод маҳалла дастурлари жамоатчилик фикри асосида шакллантирилади. 2023 йил давомида қилиниши режалаштирилган мазкур ишларга давлат бюджетидан пул ажратилади.