09 февраль, 2023

Туркиядаги зилзила қурбонлари сони 12 минг кишидан ошди

Туркиядаги зилзила қурбонлари сони 12 мингдан ошди, жароҳатланганлар сони 63 мингга яқин. Бу ҳақда Anadolu агентлиги хабар берди. «Жами 12 391 киши ҳалок бўлди, 62 914 киши жароҳат олди», — дейилади агентлик Туркия Фавқулодда вазиятларнинг олдини олиш ва бартараф этиш департаменти маълумотларига таяниб. Бир кун аввал Президент Ражаб Тоййиб Эрдўған 8574 киши ҳалок бўлгани, 49133 киши яралангани ҳақида хабар берган эди. Унга кўра, 6444 та бино вайрон бўлган. CNN Суриядаги зилзила оқибатида 2992 киши ҳалок бўлганини даъво қилмоқда. Эслатиб ўтамиз, 6 февраль куни Туркияда 7,7 магнитудали зилзила содир бўлди, ундан кейин эса 7,6 магнитудали зилзила содир бўлгани қайд этилди. Туркия ва қўшни Сурияда катта талофат ва қурбонлар келтирди.