08 февраль, 2023

Зилзиладан жабр кўрган оилаларнинг ҳар бирига давлатдан 10 минг лирадан ёрдам кўрсатилади – Ражаб Тоййиб Эрдўғон

Туркиянинг ўн вилоятида содир бўлган зилзила оқибатларини бартараф этиш учун давлат барча воситалар ва имкониятларни ишга солди. Бу ҳақда Президент Ражаб Тоййиб Эрдўғон зилзила эпицентри бўлган Қаҳрамонманраш шаҳрига бугунги ташрифи давомида маълум қилди. Туркия раҳбарининг сўзларига кўра, ер силкиниши эпицентри бўлган Қаҳраманмараш вилоятида содир бўлган икки зилзила қурбонлари сони, сўнгги маълумотларга кўра, 8574 кишига етган, яна 49133 киши жароҳат олган. 6444 та турар-жой биноси вайрон бўлган. Туркия президенти эпицентри Қаҳраманмарашда бўлган икки зилзиладан жабр кўрган оилаларнинг ҳар бирига давлатдан 10 минг лирадан ёрдам кўрсатилишини маълум қилди. Унинг сўзларига кўра, табиий офат зонаси аҳолиси, агар хоҳласа, Анталия, Алания ва Мерсиндаги меҳмонхоналарда қолиши мумкин. Президент зилзиладан жабр кўрган 10 та вилоят аҳолисини бошқа офатлар ҳудудида бўлгани каби бир йил ичида ҳам янги квартиралар билан таъминлашни мақсад қилганини айтди.