07 февраль, 2023

Наманганда уй портлаши оқибатида 4 киши жароҳатланди

Бугун, 7 февраль куни соат 7:30 ларда Наманган вилояти Косонсой тумани «Нуробод» МФЙдаги уйлардан бирида газ портлади. Бу ҳақда ФВВ хабар берди. Маълум қилинишича, соат 07:30 ларда Наманган вилояти Косонсой тумани «Нуробод» МФЙ Навбаҳор кўчаси рақамсиз яшаш уйида, газ-ҳаво аралашмасининг чақнаши содир бўлган. Чақнаш оқибатида 4 нафар фуқаро тан жароҳатини олиб, туман тиббиёт бирлашмасига ётқизилган. Айни вақтда чақнаш оқибатлари бартараф этилмоқда. Воқеа жойига ФВБ, ИИБ, ССБ, прокуратура ҳамда “Ҳудудгазтаъминоти” ходимлари чиқишган.