04 февраль, 2023

Қирғизистонда 9 кишида “Цефтриаксон”га аллергик реакция кузатилди, бир киши вафот этди

Қирғизистонда январь ойида 9 киши “Цефтриаксон” туфайли анафилактик шокга (аллергик реакция) учради, улардан бири вафот этди. Бу ҳақда республика Соғлиқни сақлаш вазирлигига таяниб, “AKIпресс” хабар берди. Аллергик реакциялар Ҳиндистон, Ўзбекистон, Британия, Хитой, Миср, Туркия, Россиянинг “Цефтриаксон” препаратига нисбатан кузатилган. Бешта ҳолатда уйга ташриф буюрган ҳамшира беморни анамнез текшируви, тиббиёт ходимлар кўрикигидан ўтказмай препаратни қўллагани аниқланган. Мутахассисларнинг таъкидлашича, анафилактик шок билан касалланишнинг кўпайиши тенденцияси мавжуд бўлиб, бу антибактериал препаратларни назоратсиз, мантиқсиз қўллаш натижаси бўлиши мумкин. Соғлиқни сақлаш вазирлигининг маълум қилишича, парентерал юбориш қатъий шифокор назорати остида ва фақат соғлиқни сақлаш ташкилотларининг даволаш хоналарида амалга оширилиши керак.

“Анафилактик шок кўринишидаги ножўя реакцияларнинг юқори частотаси, зўравонлиги ва бир зумда ривожланишига эътибор қаратиш лозим. Антибактериал препаратлар қатъий равишда рецепт бўйича чиқарилиши керак. Дори-дармонлар департаменти ҳар қандай шубҳали ён таъсир ҳақида хабар беришни сўрайди", - дейилади Қирғизистон ССВ баёнотида.