01 февраль, 2023

Расул Кушербаев табиат ресурслари вазири маслаҳатчиси бўлди

Ўзбекистон Республикаси Табиат ресурслари вазирининг тегишли буйруғи билан Кушербаев Расул Хидралиевич Ўзбекистон Республикаси Табиат ресурслари вазирининг маслаҳатчиси лавозимига тайинланди. Кушербаев Расул Хидралиевич ушбу тайинловга қадар Ўзбекистон Республикаси Олий Мажлиси Қонунчилик палатаси депутати бўлиб фаолият юритган. "Табиат ресурслари вазирига маслаҳатчи сифатида фаолиятимни давом эттирадиган бўлдим. Энди она табиатни асраш йўлида мавжуд муаммоларни ҳал этиш учун ўйлаб юрган кўплаб режаларни амалга оширишга ҳаракат қилиб кўрамиз. Энг муҳими жамоатчиликдан, одамлардан узилиш бўлмайди. Бундан буён ҳам мамлакат ривожи, келажаги, тақдири йўлидаги масалаларда фаол иштирок этишдан тўхтамайман. Асосий ишлар ҳали олдинда", - дейди Кушербаев.