01 февраль, 2023

Олма-отадан Самарқандга парвозлар тикланмоқда

Қозоғистоннинг FlyArystan loukoster авиакомпанияси Олмаота — Самарқанд йўналишидаги рейсларни тикламоқда. Бу ҳақда “Uzbekistan Airports” хабар берди. Олма-Ота — Самарқанд — Олма-Ота йўналиши бўйича биринчи йўловчи рейси 15 мартга белгиланган. Рейслар Airbus А320 самолётларида ҳафтасига икки марта — чоршанба ва шанба кунлари амалга оширилиши режалаштирилган. FlyArystan — Қозоғистоннинг арзон авиаташувларни амалга оширувчи компанияси бўлиб, штаб-квартираси Олмаотада жойлашган. Компания Қозоғистондаги энг йирик Air Astana авиакомпанияси негизида ташкил этилган.