01 февраль, 2023

АҚШнинг Ўзбекистондаги элчихонаси муҳим чақириқ билан чиқди

АҚШнинг Ўзбекистондаги элчихонаси Нукус шаҳрида бўлиб ўтган тартибсизликлар доирасида олиб борилаётган жараёнларга нисбатан ҳукуматга муҳим чақириқ билан чиқди...

“Июл ойида Қорақалпоғистонда содир бўлган фожиали воқеалар билан боғлиқ ҳаракатларда айбланган 22 кишига оид суд ўз ниҳоясига етар экан, АҚШ элчихонаси ҳукуматни жамоатчилик шаффофлиги бўйича ўз мажбуриятларини бажаришга ва Ўзбекистон қонунчилигини бузган ҳар қандай хавфсизлик кучлари ходимларини жавобгарликка тортишга чақиришда давом этади”.

Эслатиб ўтамиз: Қорақалпоғистоннинг Нукус шаҳрида 1 июль куни фуқаролар намойишлари бўлиб ўтганди. 2022 йил 28 ноябрь куни эса Бухоро вилоят суди биносида мазкур ҳолат бўйича 22 нафар судланувчига оид жиноят ишини кўриб чиқиш бўйича очиқ суд жараёни бошланган. Кеча 31 январ куни Нукус тартибсизликларини уюштирганларга нисбатан якунловчи суд бўлиб ўтди ва жиноятда айбдор деб топилган 22 кишига суд ҳукми ўқилгани ҳақида хабар бергандик. АҚШнинг Ўзбекистондаги элчихонаси 2022 йилнинг ноябр ойида ҳам худди шундай чақириқ билан чиққанди.