31 январь, 2023

Жаҳонгир Ортиқхўжаев сенаторлар сафидан чиқарилди

Ўзбекистон Марказий сайлов комиссиясининг 30 январдаги қарори билан собиқ Тошкент шаҳри ҳокими ва халқ депутатларининг Тошкент шаҳар Кенгаши депутати Жаҳонгир Ортиқхўжаев Олий Мажлис Сенати аъзолари рўйхатидан чиқарилди. Қарор халқ депутатлари Тошкент шаҳар Кенгаши депутати ваколатлари муддатидан олдин тугатилгани, шунингдек, унинг Сенат аъзоси сифатидаги ваколатларини зиммасидан соқит қилиш тўғрисидаги ёзма аризасини ҳисобга олган ҳолда қабул қилинди. Аввалроқ Жаҳонгир Ортиқхўжаев депутатлик ваколатини муддатидан олдин тугатилгани хабар берилганди. Шунингдек, Президент йиғилишда Ортиқхўжаевни Тошкент шаҳар ҳокимлигидан ишдан олгани ҳақида маълумот бергандик.