30 январь, 2023

Европанинг йирик авиакомпанияси банкрот бўлди

Европанинг йирик ҳудудий авакомпанияларидан саналган Flybe парвозларни тўхтатгани ҳақида Twitter орқали расман хабар берди. Манбага кўра, компания чипталар сотишни ва парвозларни тўхтатган. Чипта савдоларни тўхтатиш ва рейсларни бекор қилиш қарори муносабати билан Flybe деярли барча ходимларини ишдан бўшатишга мажбур бўлди: Натижада, 321 кишидан 277 нафари ишсиз қолди. Британия авиаташувчиси Flybe парвозларни қайта бошлаганидан кейин бир йилдан камроқ вақт ўтиб тўхташини эълон қилди. 2020 йил март ойида Flybe коронавирус туфайли юзага келган оғир иқтисодий вазиятга дош бера олмай, банкрот деб эълон қилди. Flybe биринчи марта Европа Иттифоқи мамлакатларида коронавирусга қарши карантин жорий этилган 2020 йил мартида парвозларни тўхтатган эди.