30 январь, 2023

Azimut авиакомпанияси Сочидан Бухорога парвозларни йўлга қўйди

30 январь куни маҳаллий вақт билан соат 00:40 да Россиянинг Azimut авиакомпаниясининг Сочидан учган самолёти «Бухоро» халқаро аэропортига келиб қўнди. Сочи — Бухоро — Сочи йўналиши бўйича чартер рейслар Sukhoi Superjet 95 самолётида ҳафтада бир марта — якшанба кунлари амалга оширилиши режалаштирилган. Эслатиб ўтамиз, Azimut авиакомпанияси Минералние Водидан Тошкент, Самарқанд, Қарши, Навоий, Урганч, Бухоро халқаро аэропортларига, Фарғона ва Наманганга эса чартер рейсларини амалга оширади. Бундан ташқари, Россия авиаташувчиси Тошкент ва Самарқандни Москвага мунтазам қатновлар билан боғлаган.