29 январь, 2023

Нодирбек Абдусатторов «Tata Steel Chess-2023» мусобақасини 2-ўринда якунлади

Нидерландиянинг Вейк-ан-Зее шаҳрида «Tata Steel Chess-2023» турнири якунига етди. Бугун турнирнинг сўнгги 13-турида Нодирбек Абдусатторов мезбон шахматчи Йорден ван Форестга қарши баҳс юритиб, имкониятни бой берди. Натижа, ҳамюртимиз мусобақани 8 очко билан 2-ўринда якунлади. Сўнгги турдаги муваффақияти эвазига 8,5 очко жамғарган нидерландиялик Аниш Гири эса «Tata Steel Chess-2023» «Masters» гуруҳи ғолибига айланди. Жавоҳир Синдаров 13-турда бошқа бир мезбон Томас Беердсенни мағлубиятга учратиб, 8,5 очко билан 3-ўринни эгаллади.