27 январь, 2023

Гулистонда газ чақнашидан бир киши жароҳатланди

26 январь куни Гулистон шаҳар "Намуна" МФЙ Ал-Хоразмий кўчасидаги 62-хонадонда таҳминан ҳаво-газ аралашмасининг чақнаши билан боғлиқ ҳодиса содир бўлган. Бу ҳақда Сирдарё вилояти Фавқулодда вазиятлар бошқармаси ахборот хизмати хабар берди. Ҳодиса оқибатида ёнғин содир бўлмаган, хонадон ошхонасининг кириш эшиги ва деразаси қисман шикастланган ҳамда 1 нафар фуқаро тан жароҳати олиб шифохонага юборилган. Ҳозирда ушбу ҳодиса сабаби ва моддий зарар миқдори аниқланмоқда.

"Барча фуқароларимиздан хонадонларни иситишда хавфсизлик талабларига риоя этишларини ҳамда газ мосламаларини эътиборсиз қолдирмасликларини сўраб қоламиз", дейилади хабарда.