26 январь, 2023

WizzAir Тошкентга парвозларни йўлга қўйди

25 январь куни Венгриянинг WizzAir авиакомпанияси самолёти Тошкентга қўнди. Бу ҳақда Uzbekistan Airports хабар берди. Airbus А321 нео самолёти Ўзбекистонга янги — Абу-Даби-Тошкент-Абу Даби парвоз йўналишини очди. Экипаж ва йўловчилар терминалда кутиб олинди. Қайд этилишича, тўғридан-тўғри мунтазам рейслар А320/321 самолётларида ҳафтасига уч марта — душанба, чоршанба ва жума кунлари амалга оширилади. Бу йўналишдаги чипталар нархи бир томонга 45 доллардан бошланади. Билетлар нархи багажни ҳисобга олмаган ҳолатда 45 доллардан бўлиб, бунда чипта хариди учиш санасидан анча аввалроқ амалга оширилгани инобатга олинган.