25 январь, 2023

Шахмат: Нодирбек Абдусатторовда ҳам, Жавоҳир Синдаровда ҳам дуранг!

Нидерландиянинг Вейк-ан-Зее шаҳрида шахмат бўйича нуфузли «Tata Steel Chess» турнири давом этмоқда. Бугун турнирнинг «Мастерс» гуруҳида 10-тур доирасида Нодирбек Абдусатторов дунё шахмат рейтингида 2-ўринни банд қилган хитойлик Динг Лирен билан дуранг натижа қайд этди. Дуранг натижа қайд этган Нодирбек Абдусатторов 7 очко билан пешқадамлигини сақлаб қолди. Нидерландиялик Аниш Гири АҚШ гроссмейстери Уэсли Со билан дуранг ўйнади ва 6,5 очко билан иккинчи ўринда қолди. «Челленжер» гуруҳида 10-турда Жавоҳир Синдаров (2654) ҳам дуранг натижа қайд этди. Ҳамюртимиз нидерландиялик Эрвин ЛьАмига қарши қора доналарда ўйнаб, муроса кўчасини танлади. Ҳозирча Жавоҳир 6,5 очко билан турнир жадвалида 3-ўринга кўтарилиб олди.