24 январь, 2023

Саида Мирзиёева: "Бир жойда қотиб тураверамиз, aгар..."

Сўнгги вақтларда кенг жамоатчилик томонидан оиладаги зўравонлик ва унинг асосий жабрдийдалари аёллар, болалар бўлиб қолаётгани кўп ва хўп муҳокама қилинмоқда. Бу борада фаол жамоатчилик вакиллари ўз таклифларини билдириб келмоқда . Бугун Сенатда ННТ, давлат идоралари ва фаоллар иштирокида оиладаги зўравонлик тўғрисидаги қонуннинг жамоатчилик муҳокамаси ўтказилади. Президент Администрацияси Ижро этувчи аппаратининг Коммуникациялар ва ахборот сиёсати бўйича шўъба мудири бу борада қисқача ўз фикрини билдирди:

Оиладаги зўравонлик учун жиноий жазо тайинламагунича, ушбу жиноятга давлатнинг муносабати Жиноят кодексида аниқ акс этмагунича, бир жойда қотиб тураверамиз. Бусиз бошқа ҳеч нима ёрдам беролмайди, юзаки чоралар ҳам, энг илғор гендер лойиҳалари ҳам, қуруқ гап билан тарбиялашга уринишлар ҳам. Олдин аёллар олдидаги масъулиятни белгилаган ҳолда, уларни ҳимояловчи Қонун жорий этилиши зарур. Қолгани кейин бўлади.