24 январь, 2023

Мбаппе фаолиятида биринчи бор пента-трик қайд этди

«ПСЖ» ҳужумчиси Килиан Мбаппе бир ўйинда урилган голлар сони бўйича клуб рекордини ўрнатди. 24 ёшли футболчи Франция кубоги 1/16 финалида «Пей де Кассел»га қарши ўйинда (7:0) 5 бор рақиблар дарвозасини ишғол қилди. Бунга қадар парижликлар тарихида ҳеч бир ўйинчи пента-трик қайд этмаганди. Шунингдек, Мбаппенинг ўзи ҳам фаолияти давомида биринчи марта битта ўйинда 5 та гол урди.