23 январь, 2023

Россияда ўзбекистонлик эркак баландликдан қулаб тушиши оқибатида вафот этди

Россиянинг Мали Карлино қишлоғидаги корхонада ўзбекистонлик ишчи вафот этди. Бу ҳақда «ЛенТВ24» хабар берди. Хабарда айтилишича, Ломоносовский туманидаги навбатчилик бўлимига Малое Карлино қишлоғида эркак киши катта баландликдан қулагани ҳақида хабар келиб тушган. Воқеа жойига етиб келган ҳуқуқ-тартибот идоралари ходимлари 44 ёшли Ўзбекистон фуқаросининг жасадини топиб олган. У ёпишқоқ лента заводида ишчи эди. Йиқилиш вақтида марҳум 13 метр баландликда том ёпиш ишларини бажараётган эди. Ҳозирда ҳодиса сабаблари ва шароитлари ўрганилмоқда. Ҳуқуқ-тартибот идоралари ходимлари ўзбекистонлик ишчи ишлатган хавфсизлик камарини олиб қўйишди.