23 январь, 2023

Ўзбекистондан Афғонистонга электр энергия етказиб беришни қайта тиклайди

25 январдан бошлаб Ўзбекистондан Афғонистонга электр энергия етказиб бериш қайта тикланиши режалаштирилмоқда. Эслатиб ўтамиз, Ўзбекистон ҳудудида ҳаво ҳароратининг кескин пасайиши оқибатида иссиқлик электр стансияларида ёқилғи таъминотида вужудга келган муаммолар, яъни ёғилғи танқислиги ва турли носозликлар пайдо бўлгани, шунингдек, республика истеъмолчиларини барқарор электр энергияси билан таъминлаш мақсадида 14 январдан Афғонистонга электр энергиясини етказиб бериш вақтинча тўхтатилган эди. Ушбу форс-мажор ҳолати ҳақида Афғонистон энергетика ташкилоти огоҳлантирилган.