22 январь, 2023

Сурхондарёда автомобиль эҳтиёт қисмлари сотиладиган дўконда ёнғин содир бўлди

Сурхондарёнинг Жарқўрғон туманида автомобиль эҳтиёт қисмлари сотиладиган дўконда ёнғин юз берди. Бу ҳақда вилоят ФВБ хабар берди. Маълум қилинишича, 22 январь куни соат 06:00да Жарқўрғон тумани, “Янгиобод ” МФЙ, Маҳтумқули кўчасида жойлашган ЯТТ Т.Рнинг автомобил эҳтиёт қисмлари саво дўконининг 65 кв.м шифт қисми ва ичидаги маҳсулотлари ёнган. Ёнғин-қутқарув бўлинмалари соат 06:07 воқеа жойига етиб бориб, ёнғинни соат 07:40 да ўчирган. Тан жароҳати олганлар йўқ. Ёнғиндан савдо дўконнинг 300 кв.м. майдони сақлаб қолинган. Ёнғин сабаби ва зарари аниқланмоқда.