21 январь, 2023

Роналду собиқ клубини судга бермоқчи

Саудиянинг "Ан-Наср" клуби юлдузи Криштиану Роналду собиқ жамоаси "Ювентус"ни судга беришга тайёр. Маълум бўлишича, туринликлар унга махфиу келишув бўйича ваъда қилинган 19,9 миллион евро миқдоридаги суммани тўлагани йўқ. Томонлар ўртасидаги яширин битим ҳужжатлари 2022 йилнинг 23 март санасида адвокат Федерико Рестанонинг офисидан топилган эди. Унда Криштиану Туриндан кетган тақдирда ҳам "кекса сеньора" унинг ҳисобига каттагина маблағ ўтказиб бериши кўзда тутилган. Португалиялик ҳужумчи 2018 йилнинг ёзида "Ювентус" таркибига бориб қўшилганди. Шундан сўнг у туринликлар либосида 134 ўйинда майдонга тушиб, ўз ҳисобига 101 гол ва 22 ассистни ёздириб қўйишга муваффақ бўлган.