21 январь, 2023

Андижонда фермер хўжалигига тегишли ер майдонини сотмоқчи бўлган фирибгарлар ушланди

Андижонда фермер хўжалигига тегишли ер майдонини сотмоқчи бўлган фирибгарлар ушланди. Бу ҳақда Иқтисодий жиноятларга қарши курашиши департаменти матбуот хизмати хабар берди. Департамент ҳамда ИИБнинг Андижон вилояти бошқармалари томонидан ўтказилган тезкор тадбирда, фуқаролар М.О. ва Б.У. Улуғнор туманидаги “У.ш.” фермер хўжалиги раҳбари билан хўжалик ер майдонида шерикчилик асосида тадбиркорлик билан шуғулланиш учун мухр ва бошқа ҳужжатларини қўлга киритиб, фуқаро Ф.О.га ушбу фермер хўжалигига қарашли 4 гектар боғдорчилик ер майдонини расмийлаштириб олиб бериш эвазига 148,2 млн сўмни олган вақтида ашёвий далиллар билан ушланганлар. Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.