20 январь, 2023

Европа Иттифоқида миллионер банкирлар сони 40 фоиздан ошган

Европа банк бошқармаси (EBА) ҳисоботига кўра, Европа Иттифоқида йилига 1 миллион евродан ортиқ даромад оладиган банкирлар сони 2021 йилда 41,5 фоизга ошган. Бу ҳақда «Коммерсантъ» хабар берди. Агар 2020 йилда бундай кишилар сони 1383 нафар бўлган бўлса, 2021 йилда – 1957. Бу статистик маълумотларни юритиш бўйича рекорд кўрсаткич, яъни 2010 йилдан бери Буюк Британия маълумотларини ҳисобга олмаганда. EBА миллионер банкирлар сонининг ўсишини банк сектори учун кучли 2021 йил, шунингдек, Буюк Британия ва ЕИдан юқори маошли ишчиларнинг Брехитдан кейин чиқиб кетиши билан боғлайди. Регулятор, шунингдек, миллионер банкирлар сонининг ўсишининг 70 фоизи фақат учта мамлакат - Италия, Франция ва Испаниядан келганини айтди. 1 миллион евродан ортиқ даромад олган банкирларнинг энг кўп сони Германияга тўғри келди – 30%. Шу билан бирга, энг кўп маош олувчи банкир Испанияда ишлайди. У 2021 йилда 14-15 миллион евро ишлаб топишга муваффақ бўлди. Бу Испаниядаги ўртача маошдан камида 466 баравар кўп, дея қайд этади EBА. Яна учта банкир – Германия, Испания ва Франциядан биттадан 13-14 миллион евро ишлаб топишга муваффақ бўлди. Ушбу банкирларнинг исмлари ошкор қилинмади.