20 январь, 2023

Самарқандда суғурта маблағларини талон-торож қилган марказ бошлиғи аниқланди

Самарқандда суғурта маблағларини талон-торож қилган марказ бошлиғи аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди. Департаментининг Тойлоқ туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “К.с.” АЖнинг Тойлоқ туман суғурта маркази бошлиғи Б.М. ўзига ишониб топширилган жами 101,1 млн сўм сўмлик суғурта полиси пулларини кирим қилмасдан, ушбу маблағларни ўзлаштириш йўли билан талон-торож қилганлиги аниқланган. Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.