18 январь, 2023

“Ҳудудгаз Тошкент” раҳбари қамоқдан озод қилиндими?

Ижтимоий тармоқларда “Ҳудудгаз Тошкент” раҳбари Музаффар Алиевнинг қамоқдан озод қилинганлиги ҳамда иш жойида фаолият олиб бораётганлиги тўғрисида маълумот жойлаштирилган. Тошкент вилоят прокуратура ҳолат бўйича расмий маълумот берди. Маълум қилинишича, тергов ҳаракатлари давомида М.Алиевга нисбатан қўлланилган “қамоқ“ эҳтиёт чораси “гаров” эҳтиёт чорасига ўзгартирилган. Бундан ташқари, М.Алиевнинг лавозимидан четлаштириш тўғрисида Жиноят ишлари бўйича суднинг ажрими мавжуд. Терговга аралашиш ва тўсқинлик қилиш ҳолатларини олдини олиш мақсадида бошқа тафсилотлар ошкор қилинмайди. Аммо нега жамоатчилик бу борада савол қўя бошлагандан кейин очиқланяпти вазият? Ҳолатни аввалроқ очиқлаш иложи йўқмиди? Ёки халқ тили билан айтганда бу ҳолатлар “билса чин, билмаса ҳазил” қабилида хаспўшланилиши керакмиди?