17 январь, 2023

Ҳарорат кўтарилиши сабаб Қашқадарёда сел келдими?

Қашқадарё вилояти Яккабоғ туманида 17 январь куни сув тошди. Бу ҳақда вилоят Фавқулодда вазиятлар бошқармаси ахборот хизмати хабар берди. Маълум бўлишича, ҳодиса соат 15:30 да туманнинг «Самор» маҳалласида содир бўлган. Ҳолат ўрганилганда аҳоли ўзбошимчалик билан Қизилдарё дарёсидан фойдаланиши аниқланган. Мутахассислар томонидан ҳолат ўрганилганда, мазкур ҳудуд аҳолиси ўзбошимчалик билан Қизилдарё дарёсидан фойдаланиши яъни, сув тақсимлагичини очиши оқибатида қишлоқнинг ички каналларидан сувнинг тўлиб оқишига сабаб бўлган. Қолаверса, муз бўлаклари тўпланиб, сув йўналишини ўзгаришига олиб келганлиги маълум бўлди. Натижасида ҳеч ким тан жароҳати олмаган, фуқароларнинг ҳеч бир бино-иншоотлари ва мол-мулкига зиён этмаган.