16 январь, 2023

Сирдарёдаги уйда содир бўлган портлашда 2 киши ҳалок бўлди

Сирдарё вилояти Ховос туманидаги 2 қаватли уйда 15 январь куни соат 14:50 да газ-ҳаво аралашмасининг чақнаши оқибатида 2 та хонадоннинг қурилиш конструкцияларига шикаст етган. Бу ҳақда вилоят ФВВ хабар берди. Маълум қилинишича, dоқеа жойига вилоят Фавқулодда вазиятлар бошқармасининг ёнғин-қутқарув отряди зудлик билан етиб бориб, қидирув-қутқарув ишларини олиб борган. Афсуски, ушбу ҳодиса оқибатида икки нафар фуқаро вафот этган, бир нафар фуқаро тан жароҳати олиб, шифохонага жойлаштирилган. Ўша заҳотиёқ вилоят ҳокими ҳамда тегишли масъуллар ҳам воқеа жойига етиб борди ва вазият тўлиқ назоратга олинди. Мазкур ҳолат юзасидан терговга қадар суриштирув ишлари олиб борилмоқда.