15 январь, 2023

Наманганда юк машиналари ёниб кетиши оқибатида 3 нафар фуқаро ҳалок бўлди

Маълум қилинишича, 15 январь куни соат 16:09 ларда Наманган вилояти Поп тумани ҳудудида кетма-кет ҳаракатланиб кетаётган 3 та МАН русумли юк автомобиллари иштирокида ЙТҲ содир бўлиши натижасида юк автомобилларида ёнғин келиб чиққан. Биринчи юк автомобили ёқилғи ташишга мўлжалланган бўлиб, мазут, иккинчи автомобилга кўмир, учинчи автомобилга бўёқ маҳсулотлари ортилган бўлган. Воқеа жойига 4 та ёнғин-қутқарув экипажи соат 16:30 да етиб бориб, ёнғин соат 16:33 да қуршаб олинган ва соат 17:20 да бартараф этилган. Ҳодиса оқибатида юк автомобилларида бўлган 3 нафар фуқаро ҳалок бўлган.