13 январь, 2023

Дам олиш кунлари аномал совуқ секин-аста чекина бошлайди

Бугун Ўзбекистон ҳудуди Қозоғистоннинг шарқий ҳудудлари устида жойлашган кенг ва жуда совуқ антисиклоннинг жануби-ғарбий чеккасида (периферия) жойлашган. Ўзбекистон бўйича ёғингарчилик кутилмайди, фақат Тошкент, Сирдарё, Сурхондарё вилоятларида ва Фарғона водийси вилоятларида қатламсимон булутлардан баъзи жойларда бироз қор ёғиши мумкин. Ҳаво ҳарорати куннинг иккинчи яримда 7-12^о совуқ бўлиши кутилмоқда. Дам олиш кунлари республиканинг барча ҳудудлари бўйича қуруқ об-ҳаво сақланиб туради. Шанба куни ҳаво ҳарорати кечаси 12-17^о совуқни, баъзи жойларда 20^о совуқгачани, кундузи 5-10^о совуқни, баъзи жойларда 12^о совуқгачани ташкил этади. Якшанба куни республиканинг шимоли-ғарбий ҳудудларига Каспий денгизидан нисбатан илиқ ҳаво кириб келиши бошланади, у антисиклоннинг совуқ перифериясини ортга сура бошлайди. Якшанба куни ҳаво бироз илиқлашади, кечаси 12-17^о совуқ, кундузи 5-10^о совуқ бўлади. Республика бўйича баъзи жойларга туман тушиши кузатилади. Бунинг ҳисобига йўлларда баъзи жойларда яхмалак юзага келади. Ўзгидромет эҳтиёт бўлишни тавсия қилади. 13-16 январ кунлари қор кўчиши хавфи ортиши сабабли тоғли ҳудудларга бориш тавсия этилмайди.