13 январь, 2023

“Афросиёб”нинг “Тошкент – Бухоро – Тошкент” йўналишидаги учта рейси бекор қилинди

“Тошкент – Бухоро – Тошкент” йўналишидаги “Афросиёб” поездларининг 13, 14, 15 январь кунги 3 та рейси бекор қилинди. Бу ҳақда “Ўзбекистон темир йўллари” акциядорлик жамияти маълум қилди. Мамлакатимиз бўйлаб кузатилаётган аномал совуқ об-ҳаво туфайли, йўловчи поездлар ҳаракат ҳавфсизлигини таъминлаш ва йўловчиларни ўз манзилларига етказиш давомида ноқулайликлар келиб чиқишини олдини олиш мақсадида, 766/765-сонли "Тошкент – Бухоро – Тошкент" йўналишидаги “Афросиёб” юқори тезликда ҳаракатланувчи электропоездлари қатновлари 2023 йилнинг 13,14,15-январ кунлари 3 та рейсга бекор қилинади. Йўловчилар ўз манзилларига етиб олиш мақсадида қуйидаги муқобил йўловчи поездлардан фойдаланишлари мумкин: 12-сонли "Тошкент – Буҳоро" "Шарқ"; 56-сонли "Тошкент – Буҳоро – Хива"; 58-сонли "Тошкент – Буҳоро – Шовот"; 72-сонли "Тошкент – Буҳоро – Олот"; 125-сонли "Андижон – Тошкент – Буҳоро – Хива"; Харид қилинган чипталарни темир йўл чиптаҳоналарида, электрон тарзда харид қилинган чипталарни чипта.раилвай.уз сайтида қайтаришингиз мумкин. Чипта 100% қийматда қайтарилади. "Ўзтемирйўлйўловчи" АЖ раҳбарияти йўловчилардан, келиб чиқган ноқулайликлар учун узр сўрайди.