12 январь, 2023

Бухорода ўқишнинг бошланиши яна 16 январга қолдирилди

Аввалроқ, маҳаллий ҳокимликлар қарори билан республиканинг аксарият мактабларида ўқиш 11 январдан бошлангани ҳақида хабар қилгандик. Бухорода ҳам маҳаллий ҳокимлик қарори билан умумтаълим мактаблари, ўрта махсус касб-ҳунар ва олий таълим муассасаларида бугун, 11 январь кунидан анъанавий тарзда ўқиш бошланган эди. Бироқ совуқ об-ҳаво шароитида кўпчилик ота-оналарнинг мурожаатларини инобатга олиб, Бухородаги барча таълим муассасаларида ўқиш 16 январь кунидан бошланиши белгиланди. Шунингдек, мактабгача таълим масканлари ҳам ўз ишини 16 январь кунидан бошлайди. Эслатиб ўтамиз, кечадан ўқиш бошланган мактабларда вазият қандайлигини аввалроқ таҳлил қилиб, Мактабгача ва мактаб таълими вазирлиги ҳамда маҳаллий ҳокимликларга чиқарган қарорларининг оқибатини кўриш учун ойна тутгандик.